KUCHING, 5 Nov: Perintah Sarawak inginka diiring perintah ti tegap pengudah semak taun lebu ngapa.
Chairman Gabungan Parti Sarawak (GPS), Datuk Patinggi Tan Sri Abang Johari Tun Openg madah, rayat udah diiring pengelama empat taun lalu masau jam ketegal politik ti enda tentu.
“Enti nitih kitai meri servis pemadu manah ngagai rayat lebih agi ba taun 2023 nyentuk 2024, kitai nyangka betapi enggau pemar ekonomi ke lebih besai.
“GPS deka ngemeratka Sarawak nyadi sebuah wilayah, ngelempaika polisi enggau pekara-pekara bekaul enggau Sarawak sereta pekara tu deka diteruska nengah kerejasama enggau perintah besai,” ku iya.
Iya madah munyi nya maya dirandau pemberita ba Palan Ngantung Nama Chalun P194 Petra Jaya, ditu, pagi tadi.
Berebak enggau nya, Abang Johari mega ngarapka aktiviti bekimpin maya PRU-15 serak tu bejalai enggau mujur sereta nitihka atur.
“Aku ngemataka mayuh sitak deka diperebutka, bisi nya belaban dua chalun, tiga chalun enggau mega empat chalun.
“Atur demokrasi tu dipeda meri ruang ngagai rayat Sarawak milih chalun ke deka negi enggau ngetanka hak kitai nengah randau Sempekat Malaysia (MA63),” ku iya. -TVS
