KOTA KINABALU, 30 Jun: Model pemayuh leman budaya Sabah patut nyadi inspirasyen menua, ku Menteri Penyerakup Datuk Aaron Ago Dagang.
Iya madah genap raban, enda ngira ni pemimit, bela mantu ngayaka landskap nempa Sabah nyadi lambang pengering ungkup pemayuh leman budaya Malaysia.
“Sabah iya nya rumah ngagai 42 raban etnik bansa enggau lebih 200 komuniti subetnik, genap siti nya mengkang ngetanka jaku, pesaka enggau meruan nyelai ba mata dunya.
“Tu ukai semina rikod, nya endang pendiau pemesai reti pengelantang enggau basa ngagai bida identiti Sabah,” ku iya rambau bejaku ba ‘Grand Finale’ Pekit Nulis “Lagu Kita” – Sabah enggau Pancaragam, ditu, malam tadi.
Ngelansa pasal pekit nya, Aaron madah muzik ngempu tanggungpengawa nyadi jaku universal, jematan meraka jaku, pengarap enggau adat lama.
Iya madah Lagu Kita keterubah iya ditumbuh kena June 2024 enggau juluk ke manah dikena ngerami pengaya bemacham leman budaya Sabah enggau negapka bakat rebak baru nengah pengawa nepa muzik asal.
“Sedarka nilai enggau potensi inisiatif tu, dia opis menteri aku meri sukung penuh nengah meri geran RM30,000 (ngagai pengatur pekit),” ku Aaron.-TVS
