KUCHING, 23 Jun: Niang Puan Sri Juma’ani Tuanku Bujang, bini Premier Sarawak Tan Sri Abang Johari Tun Openg, mujur dikuburka ba Pendam Islam Samariang, Petra Jaya ditu pukul 1.52 ngalih hari tu tadi.
Dulu ari nya, niang Juma’ani disembiangka ba Masjid Jamek Nengeri diiring Imam Besai Sarawak Datuk Mustapha Kamal Ahmad Fauzi sereta digulu sida sebilik, ketuai nengeri enggau perintah besai sereta mensia mayuh.
Sepengudah pengawa sembiang tembu, niang Juma’ani dibai ke Pendam Islam Samariang ditu ungkup pengawa ngubur.
Bela nyempulang pengawa mai tubuh niang iya nya Abang Johari enggau dua anak iya, Abang Abdillah Izzarim enggau Dayang Norjihan, bala uchu enggau sida sebilik.
Antara ke bisi datai meri basa kepenudi ba Masjid Jamek Nengeri iya nya Sapit Premier Sarawak Datuk Amar Awang Tengah Ali Hasan, Datuk Amar Dr Sim Kui Hian enggau Datuk Amar Douglas Uggah Embas sereta bala pengari rayat Sarawak.
Juma’ani, 76, midang ba sebuah palan perubat peribit pukul 3.34 pagi tadi.
Niang iya nya anak ngagai Tuai Pemegai Menua (TYT) Nengeri Sarawak kedua Tun Tuanku Bujang Tuanku Othman.
Iya dikenang siku indu ke chukup angkun, ngembuan penemu ke ensuruk sereta mayuh bejalaika pengawa pengasih ungkup rayat di Bumi Kenyalang.-TVS
