KUALA LUMPUR, 20 Jun : Skim insurans pengerai ke dilanggur perintah nengah Akaun Dua Gerup Wang Turu Pengereja Pengawa (KWSP) kebendar volunteer lalu ukai pekara ke mesti, ku Menteri Pengerai Datuk Seri Dr Dzulkefly Ahmad.
Iya madah atur nya dulanggur dikena meri pilih ngagai kaban KWSP ke nyangka deka pelin lindung insurans ke lebih besai laban naka tu 32 peratus kos nyaga pengerai dibayar diri (pesakit) empu, ukai ngena insurans.
“Nengah atur tu, perintah ngembuan juluk ngerembaika akses ungkup nyaga pengerai peribit laban lebih jampat enggau bekualiti seraya enda nambahka tating belanja rayat,” ku iya nengah sebengkah penerang ke dipansut ba laman Facebook sehari tu tadi.
Dzulkefly madah langgur nya mega ngerunding inspirasyen ari model menua bukai baka Singapore, ti ngemeratka akses insurans ungkup semua rayat.
“Semina urung satu peratus ari Akaun Dua KWSP dikena mayar insurans. Tu chara ke pemadu manah,” ku iya.
Kemari, Dzulkefly diripotka bisi nyebut perintah berunding deka ngemendarka rayat nguna akaun dua KWSP ungkup mayar premium ninting bulan insuran pengerai.-TVS
