KANOWIT, 14 Jun: Penembu Palan Feri Sedaya jemah deka ngemudahka pemindah enggau nyendiaka akses pengangkut ke lebih manah ngagai rayat lebih agi sida ke diau mendam di sitak Ngemah enggau Machan.
Kaban Kunsil Nengeri (ADUN) Machan, Allan Siden Gramong, madahka pemansang pejalai projek nya diatu benung ba renggat kepenudi sebedau nerima pemendar teknikal sechara penuh.
“Projek tu deka nyambung endur ba seberai din entara Ngemah enggau Machan, enggau diatu benung ba renggat diserenih enggau kepenudi ari sukut teknikal sebedau ulih berengkah dipejalaika,” ku iya.
Iya mansutka jaku nya rambau Program Nyuaka Setipikit Nyiri Tuai Komuniti enggau Tuai Raban Bansa (KMKK) ungkup DUN Machan ba balai Opis Pelilih Kanowit, kemari.
Allan nerangka, sebedau tu perayat nengah jalai ti kelalu jauh entara Ngemah enggau Machan.
“Pemisi servis feri tu jemah dikearapka ulih ngemandakka timpuh pejalai, seraya ngerumban akses ke pasar Kanowit, sepital enggau Opis Pelilih,” ku iya.
Ku iya madah, taja pan bedau bisi hari bulan ditetapka kemaya projek nya berengkah dipejalaika, tang iya ngarapka projek nya ulih tembu dalam taun tu berindik ari peminta nya endang majak dirandaka rayat lokal.
Tandu iya, pengawa ngaga palan feri nya mega dipelaba nyadi pematak jalai ngagai semua perambu pemansang bukai ti udah diberi ke perintah Sarawak.
Langgur pemansang nya nyengkaum ngaga Palan Dagang Begulai Kanowit, sebuah palan sereba ti nyadi endur ngengkah sekeda agensi baka Opis Bekal Ai Menua Pesisir (JBALB), Sarawak Energy Berhad (SEB) sereta Telekom Malaysia. – TVS
