KUALA LUMPUR, 13 Jun: Komiti Komunikasyen enggau Multimedia Malaysia (MCMC) deka bejalaika atur terut nyengkaum bejalaika atur undang-undang ngagai sebarang penempa konten media rama ke puntan nitihka atur ke udah ditetapka.
Ku MCMC nengah sebengkah penerang sehari tu tadi, tangkan nya dibantai bekau ari tikas pengasi penempa konten media rama diperati enda ngemantup ati taja pekara nya udah suah digerah.
Ku tandu MCMC, atur nya mesti diterit dikena nentuka ekosistem digital menua mengkang likun, beintegriti sereta nitihka undang-undang menua.
“MCMC udah ngelala bagi sekeda channel dalam tali arus ke ditemu ngerembaika berita bula, konten enda menuku sereta bisi ngundan jaku emba.
“Konten-konten ke digaga ukai semina ngasuh mensia mayuh saru, tang mega ulih ngasuh mensia mayuh enda arap ngagai opis perintah kelimpah ngeruga pengelantang mensia mayuh,” ku penerang nya.
Ku MCMC raban sida mengkang komited nyaga mensia mayuh ari jaku emba tauka konten ti ngeruga pengelikun lalu seruran nentuka internet nyadi ruang ke likun, beradat enggau meri pemaik ngagai mensia mayuh.-TVS
