KUALA LUMPUR, 9 June: Opis Kereja Raya (JKR) udah ngerah ngambika bekerejasama enggau raban bekaul ngaduka jalai sereta mantu meri sanding penemu enggau pengelandik teknikal, bekau ari penusah aksiden ke ngaul bas enggau sebuah kerita ba Jalai Raya Timur-Barat (JRTB) Banun, Gerik, tumu pagi tadi.
Menteri Kereja Raya Datuk Seri Alexander Nanta Linggi madah, atur nya digaga dikena ngemuntangka raban bekuasa bejalaika pansik penuh enggau minta mensia mayuh meri ruang ngambika pansik bekaul enggau insiden ke nabanka 15 nyawa nembiak Universiti Pendidikan Sultan Idris (UPSI) nya bejalai enggau mujur.
“Aku enggau semua raban KKR deka terus matau pemansang pansik tu enggau deka meri kerejasama penuh ngagai raban bekuasa dikena nentuka pengadil enggau pengelikun mensia mayuh tejamin,” ku iya nengah siti penerang ba laman Facebook, sehari tu tadi.
Nitihka penerang bas ke ngundan nembiak UPSI nya dalam rantau jalai ari Jertih, Terengganu ke Tanjung Malim, Perak sebedau ke aksiden ngaul sebuah kerita bukai tumu pagi tadi.
Nanta mega ngentaika penyinu ati ngagai insiden ke nuntung raban nembiak UPSI nya, lalu nya diasai siti strategi besai ungkup menua.
Iya ti meda insiden nya nyadi tragedi besai nagagai menua, bela ngenaika penyinu ati ngagai semua ruang bilik raban nembiak ke babadi seraya besampika sida ke bakal ulih gerai lengkas.
Iya madah raban sida mega semampai nitihka pemansang operasyen ngesah penusah ke ngaul bemacham ejensi nyengkaum Opis Bomba enggau Penyah Penusah, Raban Penyaga Orang Periman, Polis enggau Opis Menteri Pengerai.
“Aku deka ,meri jaku besai terima kasih naggai semua pengereja pengawa terabai menua laban udah lengkas mantu enggau udah bebendar gawa kenyau ari tumu pagi tadi.-TVS
