SARIKEI, 15 Mei: Penyampau 200 projek pemansang udah sereta benung dipejalaika di Bagi Menua Sarikei naka 10 nyentuk 0 April 2025 ti mungkur belanja semua sepenyampau RM4.9 bilion.
Premier Sarawak, Datuk Patinggi Tan Sri Abang Johari Tun Openg madahka, proje-projek tu nyengkaum ngaga jalai sereta mega nyendiaka bekal ai enggau elekterik ti semua iya dipejalaika nitihka timpuh ke ditetapka.
“Entara iya begunan tu (Palan Administrasyen Begulai – IAC) ti beungkus lebih RM150 juta lalu deka ngengkahka Opis Residen sereta mega agensi ke beguna ti meri servis ngagai komuniti ngelingi Sarikei.
Nerang silik, Abang Johari madah, begunan IAC ke baru nya digaga bechuanka Indeks Begunan Gadung (GBI).
“Kelimpah ari nya, begunan opis lama tu mega deka dikena meri servis ke pemadu manah sereta meruan,” ku iya pengudah bejadika begunan IAC ditu, kemari.
Tandu Abang Johari, begunan baru IAC nya digaga enggau konsep Indeks Begunan Gadung (GBI).
“Tu bisi bekaul enggau sechara dalam tali arus enggau opis-opis ke bukai nyerangkung Kuching. Tu udah tentu ngemendarka pegawai kami ngatur ‘zoom meeting’ enti diguna tebal agi ari sukut projek-projek ke engka bisi penanggul lalu ulih diputarka nengah ‘zoom meeting’.
“Tu deka negapka agi servis ungkup kandang menua ba empat pelilih menua iya nya Meradong, Sarikei, Pakan enggau Julau,” ku iya.
Begunan IAC 12 ringkat nya ngengkahka mayuh bengkah opis perintah nyengkaum Opis Residen enggau Opis Tanah enggau Survei.
Sebedau tu, Abang Johari madahka IAC nya digaga nyadi sebagi ari pelin nangkir mengeri Sarikei lalu nyadi model pemansang jemah ba pelilih tu.
Iya mega andal IAC deka nyadika Sarikei maju enggau perengka guna ICT, senutuk enggau juluk perintah nuju mengeri pintar.-TVS
