DEBAK, 15 Mei: Begunan baru Sekula Sekondari (SMK) Saribas ti nelan kos belanja penyampau RM12 juta ditaga tembu penuh dalam timpuh ke semak, pia ku Sapit Menteri Pemansang Orang Indu, Nembiak Mit enggau Pengelantang Komuniti, Datuk Mohammad Razi Sitam
Mohammad Razi ke mega Kaban Kunsil Nengeri (ADUN) Saribas madahka, begunana baru nya deka nyadi pilih apai indai ti deka meri pelajar ke pemadu manah ngagai anak-anak sida.
Ku iya madah, projek begunan baru SMK Saribas deka nyendiaka endur ke manah agi sereta kondusif ungkup bala nembiak enggau raban pengajar.
Iya mega ngarap begunan baru ke lebih moden nya ulih nyadi endur belajar ke lebih manah sereta ulih nyukung pengawa negapka sistem sistem ngajar enggau belajar ba kandang menua nya.
“Sebagai wakil rakyat, saya berasa bertanggungjawab untuk memastikan pendidikan di kawasan Saribas terus berkembang,” katanya.
“Nyadi pengari rayat, aku ngasaika tanggungpengawa nentuka pelajar ba kandang menua Saribas majak ngerembai,” ku iya pengudah ngabas ngagai SMK Saribas, kilah ensana.
Ku iya agi, peminta dikena ngaga begunan baru ungkup SMK Saribas udah dibantaika raban iya ba taun 2013 suba.
“Tu nyadi sebagi ari komitmen dikena ngangkatka kualiti pelajar di Saribas nengah chara nyendiaka perengka guna ke pemadu manah ngagai nembiak di kandang menua nya.
“Diatu, pengudah nyauka semak setahun, aplikasyen tu udah mujur nerima turu penyampau RM12 juta lalu dipejalaika ari ba Atur Pemansang Malaysia Lumpar Ke-12 (RMK-12),” ku iya.-TVS
