BINTULU, 7 April: Siku orang tuai retung ba penusah angus ngaul 17 pintu rumah setinggan di Sungai Plan, Jalai Tanjung Kidurong ditu ke ngujungka 93 pengani lenyau palan endur beteduh sehari tu.
Pengari Opis Bomba enggau Penyah Penusah Malaysia (JBPM) Sarawak madah, ba penusah nya tudah ke retung iya nya Nuie Ipang beumur 77 taun.
Raban bomba nerima kangau urung pukul 11.06 pagi lalu berumban ngerah seraban 14 iku bomba ari Balai Bomba enggau Penyah Penusah (BBP) Kidurong dibantu BBP
Bintulu ngesah palan penusah.
“Seninjik datai ba endur nya, raban bomba meda api benung mau nganguska langkar rumah kayu ke digaga chukup semak enggau pangan diri,” ku iya dalam sebengkah penerang.
Tudah orang tuai ke retung nya udah diserah ngagai raban polis pukul 2.12 lemai ungkup atur ke bekaul.
Api ti nganguska rumah nya mujur dirara pukul 12.03 tengah hari, lalu pun kebuah angus agi dipansik. – TVS
