KUALA LUMPUR, 27 Mac: Ruang bilik nyadi institusyen keterubah nukuh ulah ti mereti enggau chara berunding ke manah ngaul rebak biak.
Menteri Penyerakup Menua, Datuk Aaron Ago Dagang madahka, apa indai mesti meri chunto ke badas ngagai, tebal agi nerenak ulah bebasa enggau pengulih terima ngagai orang bukai ba tetiap iku anak sida.
“Ulah ti badas enggau mereti tu patut diajar enggau diterenak kenyau ari anak kitai mit,” ku iya madah.
Iya mansutka jaku nya nengah sebengkah penerang ba laman Facebook pengudah ngulu Majlis Iftar Perdana ti diatur Persatuan Sinaran Hidup ba PPR Hiliran Ampang, Hari Empat tu tadi.
Beduduk enggau nya, Aaron ke mega Kaban Parlimen Kanowit meransang semua raban patut seruran menatika ulah ‘wasatiyyah’ (enda kelalu berat lebuh ngaga sesebengkah pemutus enggau atur) ngaul anak sereta rebak biak.
“Ulah tauka elemen tu endang beguna amat dikena numbuhka ulah tebuka ati enggau pengulih terima kitai ngagai orang bukai,” tandu iya.
Dalam program nya, iya bisi nyuaka pemeri ngagai bala asnaf, Orang Nyelai Pendiau (OKU), indai tunggal sereta raban rentan (orang ti mudah pedis). – TVS
