KUALA LUMPUR, 27 Mac : Kaunsil Lumba Menua (MSN) udah ngaga ubah klausa pasal indu betubuh bisi iya nya atlit indu ke betubuh bisi diatu sida dikemendar nyereta program latih.
Menteri Nembiak enggau Lumba Hannah Yeoh madah, taja pia semua aktiviti nya bepanggai ngagai pengulih atlit nya empu.
“Sebedau tu bisi kunterik, atlit betubuh bisi deka diketu belatih, tang diatu dalam kunterik sida kitai bisi ngaga ubah iya nya nginsil klausa pasal atlit ke udah dikenuku betubuh bisi enda ulih enggau belatih. Tang patut nitihka pengulih atlit nya.
“Chunto atlit betubuh bisi baka atlit nimbak laja lalu latih dibanding atlit ke rumpas bisi bida.
“Nya alai, MSN dela neratika genap kes ngambika klausa tu nemban ungkup sida ke indu,” ku iya madah ngagai pemberita rambau Pengawa Bejadika Taska Team MAS di Institut Lumba Menua (ISN) ditu, sehari tu tadi.
Lebuh nerang silik, Hannah madah kunterik raban indu mega dikemanah agi nengah nepu kemisi ninting taun pengelama tujuh hari, kemisi emejensi (tujuh hari) kelimpah meri kemisi beranak tujuh hari ungkup atlit lelaki (ke bisi bini baru udah beranak).
Ku iya, atur nya dikena nentuka sistem sukung lumba menua lebih meruan ungkup atlit indi sereta ngemudahka sida neruska tanggungpengawa diri nyadi atlit menua taja udah bisi ruang bilik.-TVS
