SEOUL, 15 Feb: Bisi enam iku lesi bebadi, lalu 25 agi bakal dalam penusah angus ke nyadi ba taba ngaga sebuah hotel di Busan, Korea Selatan sehari tu tadi.
Ejensi Bomba Nasional Korea Selatan madahka, penusah angus nya nyadi urung pukul 11 pagi (jam lokal) ba taba ngaga hotel dipengi serikat Banyan Tree ari menua Singapore.
Nitihka penerang ari siku Pegawai Ejensi Bomba Nasional ngagai AFP, urung 100 iku pekereja ba palan nya maya penusah angus nya nyadi.
Pegawai Opis Pengerai Mensia Mayuh madahka, bisi 25 iku bakal enggau ketebal agi sida tu bakal ketegal tersirutka bau asap.
Tuai Balai Bomba Gijang Busan, Hong Mun-Sik madahka penusah angus nya nyapai ba tikas maksimum maya raban iya datai ba palan penusah nyadi enggau asap chelum tebal udah nutup endur nya.
Kelimpah ari nya, mayuh kereban mudah angus ti nekul pintu penama ngagai palan penusah nyadi.
Ku iya, penusah angus bepun nyadi ba ringkat satu begunan endur pekereja nyimpan kereban penebat lalu semua ke bebadi nyawa nya ba endur palan penusah nyadi.
Pun kebuah enggau endur kebendar penusah angus nyadi nya agi ditasat.
Penusah angus nya mujur dipadamka penuh urung pukul 1.30 lemai.-TVS
