SYDNEY, 13 Feb: Pemalat biau balai Zelia dipelaba deka mangka luar pantai barat Australia sehari tu, lebuh biau balai tropika nya ulih ngujungka penyadi ribut kudi sereta sebuah kilang pengeksport bijih besi dunya ditutup.
Nitihka pelaba gaya hari opis perintah madahka, pemalat biau balai Zelia dipelaba masuk sistem kategori lima iya nya skala pemadu balat, sebedau mangka sitak nya pagila.
Port Hedland, antara pengkalan kapal pemunggah bijih besi pemadu besai ba dunya udah nyikap diri tumu nutup operasyen sida.
Tebangkar pansik gaya hari ari Biro Meteorologi, Dean Narramore, madah biau balai nya majak balat lalu udah nya ngalih ngagai menua adap ke tebing tasik.
Ku terang iya biau balai nya ulih ngujungka mayuh reta tengkira rusak enggau pengelaju angin lebih 160 kilometer sejam (km/j).
Beduduk ari nya, semua rayat ke diau ba sepanjai tebing tasik Pilbara dipinta ngadang laban nangika pengelikun sida.
