KUCHING, 8 Feb: Penyampau raban tasah penusah ampuh bah diripotka majak nurun enggau 4, 129 iku raban tasah bah ari 1, 375 ruang bilik di 10 bagi menua di Sarawak naka pukul 8 pagi tadi.
Sekretariat Komiti Penyangga Penusah Ngenyit Nengeri madahka, bisi 63 Palan Pengenduh (PPS) udah ditutup lalu 23 PPS ke bukai agi dibuka.
Antara PPS ke ditutup iya nya di Serian (20), Samarahan (14), Miri (8), Kuching (6), Bintulu (5), Sibu (4), Mukah (3), lalu Kapit enggau Betong bela ngerikodka siti PPS udah ditutup.
Ba menua Dalat ngerikodka penyampau pengani tebunsa ketegal penusah ampuh bah majak nambah iya nya 168 iku datai ari 49 ruang bilik ti diengkahka ba di PPS Stadium Perpaduan Dalat.
Udah nya, entara pelilih bukai PPS ke ditutup penuh iya nya Kuching, Kapit, Bau enggau Saratok.-TVS
