KUCHING, 6 Feb: Sarawak antara nengeri ke pemadu balat dituntung penusah ampuh bah sepengudah penyampau raban ke tasah ampuh dipindah ngagai 30 buah Palan Pengenduh (PPS) majak nambah iya nya 5,384 iku pengani dibanding 5,125 nitihka data dirikod malam tadi.
Sekretariat Komiti Penyangga Penusah Nengeri Sarawak (JPBNS) madahka dua bagi menua di nengeri tu ngerikodka penambah iya nya di Sibu bisi 1,142 pengani dibanding 876 lalu udah nya di bagi menua Mukah bisi 528 iku dibading 501 iku mindah ke PPS malam tadi.
“Penyampau orang tasah bah di bagi menua Bintulu dirikodka bisi nurun mimit iya nya 1,864 dibanding 1,865 iku, pia mega di bagi menua Miri bisi kusut ngagai 1,184 ari 1,217 iku sebedau tu, udah nya ba bagi menua Serian (507), Samarahan (149) enggau Sarikei mengkang (10),” ku penerang nya. -TVS
