KUCHING, 31 Jan: Penyampau raban tasah bah ba Palan Pengenduh (PPS) di selampur Sarawak betambah ngagai 9,948 iku ari 2,807 ruang bilik naka pukul 8 pagi tadi.
Nitihka penerang ari Sekretariat Komiti Penyanga Penusah Nengeri (JPBN) Sarawak, bisi 58 PPS agi dibuka endur mindahka raban sida ke tasah bah di selampur Sarawak.
“Bisi enam bagi menua di selampur Sarawak ke balat tebunsa ampuh bah naka tu,” ku penerang nya.
Tandu penerang nya, Miri ngerikod penyadi tanah tusur enggau dua PPS udah dibuka.
Kelimpah ari nya, di Kanowit mega diripotka bisi dituntung penusah angus lalu siti PPS udah dibuka endur sida ke tasah ngenduh.
Sekretariat JPBN Sarawak madah penyampau sida ke tasah deka semampai dikemaru lalu pekara nya deka dipadah sepanjai maya.-TVS
