KUCHING, 25 Jan: Naka pagi tu tadi penyampau raban ke dituntung penusah tasah bah di Sarawak mengkang 123 iku datai ari 34 ruang bilik.
Dua Palan Pengenduh (PPS) agi dibuka ba sekeda kandang endur di Betong enggau Bintulu.
Sekretariat Komiti Penyangga Penusah Ngenyit (JPBN) Sarawak ngeripotka, naka pukul 8 pagi, PPS Dewan Rumah Dayak di pelilih Saratok, Bagi Menua Betong agi nyadi endur 90 iku orang tasah ari 21 ruang bilik ke tebunsa ngenduh ketegal penusah ampuh bah ba Rumah Tembawai Kapok, Awik.
Nangkan ka nya, 33 iku orang tasah ngaul 13 ruang bilik ari endur Sekula Primari (SK) Kuala Muput agi ngenduh ba PPS Rumah Steven di pelilih Tatau, Bagi Menua Bintulu.
Asil ari pengawa matau, Raban Pengetan Pengelikun Periman Malaysia (APM) nunjukka tikas ai niki ba 18 endur di pelilih Selangau, Matu enggau Sebauh.-TVS
