KUCHING, 23 Jan: Sarawak neritka atur vaksin antiabies ke baru sepengudah inisiatif ngelaban penyakit ukui gila nya bedau mujur diapuska kenyau ari kes nya ngerekai dalam 2017.
Menteri Industri Pemakai, Komoditi enggau Pemansang Wilayah Sarawak Dato Sri Dr Stephen Rundi Utom nyain atur nya hari tiga tu tadi ba baruh Seksyen 40 (1) Ordinan Pengerai Mensia Mayuh Veterinar (VPHO) 1999.
Ku iya madah semua ukui ba nengeri tu diatu dipinta ngambi tuchuk vaksin antirabies sereta nerima tuchuk ninting taun.
“Pengempu ukui patut nentuka jelu tupi sida nerima tuchuk vaksin. Enti nyema enda nitihka atur tu ulih ditinggang ukum nyentuk RM2,500.”
“Ukui ke enda divaksin sereta bisi kena rabies deka dibunuh,” ku iya.
Nangkan ke nya ku iya madah di bagi menua Kuching, Samarahan, Serian, Sri Aman, Kapit, Mukah enggau Bintulu udah dituku nyadi zon dirampit rabies sepengudah kes baru disidi.
Iya madahka sarawak ngerikodka 123 iti kes positif ari 889 sampel jelu taun nyin kemari, enggau Kuching dulu agi enggau 79 iti kes, ditangkan enggau Bintulu (16), Samarahan (10) enggau Serian (6), lalu Sri Aman, Kapit enggau Mukah bela ngerikodkan 4 iti kes.
Dr Rundi madahka entara 6 nyentuk ngagai 19 Januari tu tadi, tiga kes positif rabies ngaul jelu tupi ti bibas diripotka di Kuching enggau Samarahan.-TVS
