SIBUTI, 28 Dis: Opis Pelilih Subis ditaga tembu penuh dalam bulan Februari 2025, ku Kaban Parlimen Sibuti, Datuk Lukanisman Awang Sauni.
Iya madahka, pemisi opis nya jemah deka nyendiaka endur opis administrasyen ke lebih luas sereta entap.
Nengah sebengkah penerang ba laman Facebook empai lama, iya ngarapka pengawa pindah ngagai opis baru nya enda lama agi deka meri servis ke lebih manah ngagai rayat.
“Sejarah penumbuh pelilih Subis nyadi kenyau ari 10 taun ke udah,”ku iya.
Lukanisman ke nyadi Sapit Menteri Pengerai nerangka, sejarah penumbuh Pelilih Subis nyadi kenyau ari 10 taun ke udah.
Taun 2014, Niang Pehin Sri Adenan Satem setuju enggau perambu numbuhka Pelilih Subis rambau Pengerami Belantak Mija Sibuti.
Berebak enggau nya, langgur pekara nya tadi dibai ke Aum Kabinet Sarawak, lalu udah nya mujur digazet.
Iya madahka, agi mayuh pemansang infra ke patut digaga ba pelilih subis ngambika ulih meri pemaik ngagai rayat ke mendam di pelilih nya jemah.
Nya alai, Lukanisman ngarapka ba baruh perambu malaysia lumpar ke 13 ila, lebih mayuh perengkaguna ungkup rayat dibai enggau dikemendarka perintah.
Ba dalam penerang nya mega iya bisi nanya pasal buah runding rayat lokal senentang pemansang di Pelilih Subis ke mesti diberi perati udah tu.-TVS
