KANOWIT, 9 Dis: Siku orang lunggar umur ke diripotka lenyau kenyau 7 Disember tu tadu udah mujur ditemu selamat pengudah Operasyen Ngiga enggau Penyah Penusah (SAR) diaktifka kenyau Hari Enam.
Tuai Balai Bomba enggau Penyah Penusah (BBP) Kanowit, Arrahman Chik madahka tudah benama Lai Juing 75 taun ditemu urung pukul 5.05 minit lemai Hari Minggu kira-kira 7 kilometer ari rumah panjai Adrian Sungai Ranan di Kanowit.
Ku iya madah, operasyen SAR ngaul mayuh raban nyengkaum BBP Kanowit, Polis Diraja Malaysia (PDRM), Raban Penyaga Orang Periman Malaysia (APM) sereta perayat ba genturung pendiau nya.
“Operasyen hari kedua udah dipechahka ngagai dua raban ke alai siti ari raban tu ngaul enam perayat genturung pendiau ke betuaika siku pegawa bomba. Daya semua raban bulih asil pengudah mansa ditemu selamat,” ku iya nengah siti penerang .
Operasyen nya diulu PBK II Unjah Janggau begulai enggau tiga raban bbp kanowit ngena sebuah kerita 4 Wheel Drive.
Ku terang Arrahman, mansa ditemu raban bomba sereta perayat genturung pendiau sebedau diserahka ngagai sida sebilik.
Operaysen diketuka penuh urung pukul 5.30 lemai.-TVS
