DEBAK, 5 Dis: Penyikar enggau pengelanchar atur maya napi tasah chukup beguna dikena nentuka pengelikun enggau pengelantang raban ke tasah semampai tejamin.
Sapit Menteri Pengelantang Komuniti Sarawak Datuk Mohammad Razi Sitam madah, Program Latih enggau Simulasyen Tasah ba Palan Pengenduh (PPS) patut digaga dikena nentuka penyikar raban ke bekaul ngatur pengawa.
“Maya napi tasah, penyikar enggau pengelanchar atur chukup beguna dikena nentuka pengelikun enggau pengelantang semua orang tasah.
Nyadi aku ngena peluang tu dkea meri terima kasih ngagai semua ejensi bekaul ungkup tim kereja PKMP Betong sereta saup Opis Pelilih enggau ejensi baka polis, JKNS, APM, Bomba, Soldadu enggau ke bukai mega nuju Opis Pengerai Bagi Menua Betong ke seruran meri kerejasama chukup badas.
Razi mansutka penemu nya maya Program Latih Enggau Simulasyen Tasah ba Palan Pengenduh Renggat Nengeri Sarawak 2024 ba Dewan Perpaduan Debak ditu, kemari.
Ku iya pengawa ngatur program nya dikearapka ulih meri genera ke nyata ngagai raban Penyangga Penusah ba PPS seriris enggau juluk opis menteri dalam nyaga pengelantang rayat sida ke tasah.
Iya madah Opis Pengintu Pengelantang Pendiau Raban Bansa (JKMS) udah bejalaika lima program ke sama iya nya di Kuching, Kota Samarahan, Serian, Bintulu enggau Sri Aman ke dipasuk 885 iku penyerera ari bemacham ejensi ke bekaul.
Ku iya, PPS ba selampur Sarawak ngerikodka 40 kali dikena sekumbang Musin Monsun Timur Laut (MTL) 2023-2024 tu tadi.
Ari penyampau nya, kes ampuh bah ngerikodka penyampau pemadu tinggi iya nya 30 kes ditangkan Kes angus (9 kes) enggau siti kes ngaul ribut kudi sereta penyampau sida ke kala kena penusah tasah tu bisi 4,515 iku naka bulan November tu tadi.-TVS
