SIMANGGANG, 2 Dis: Raban pedagang mit di Sri Aman maya dirandau bela muji inisiatif ti dipejalaika perintah Sarawak dalam ngatur bemacham program di selampur nengeri tu.
Chairman Gerempung Penguna Produk Krafjari Simanggang, Angela David Langi madahka, pengawa ngatur pengerami baka nya nyadi pelantar ke chukup manah ngagai sida ke bedagang produk kraf betukar penemu seraya bedajaka produk diri.
“Ari sukut penatai pemisi enggau mega bantu ti diulih kelimpah ari temuai ti datai ari ejensi ke datai diti meda asil pengelandik jari raban pedagang kraf.
“Ari nya tadi, deka mayuh ejensi betanya enggau ngulihka tepa … ti amat meri empas ke positif nyadi aku chukup gaga,” ku iya.
Udah nya, siku agi Pedagang Krafjari Sarawak Diana Basat madah diri endang seruran ngambi bagi enti bisi program bedaja baka nya dibuka.
“Kami endang seruran nyukung perintah besai ngatur pesta baka tu. Tu endang dititih kami belama nama-nama aktiviti ti diatur…pengawa ngatur pesta baka tu chukup manah enggau ngemuaska ati,” ku iya.
Pia mega ba penemu siku agi pedagang, Lucy Nabau madahka ari bisi pengerami ke baka nya diatur dia deka meri empas ke manah ngagai sida lebih agi ari sukut penatai pemisi tambah.
“Pengerami chukup manah baka kain burie, gelang-gelang enggau produk aksesori sereta igi burie mayuh ke laku.
“Pengawa ngatur program baka tu iya nya meri bekau ti manah ngagai kami laban kami endang begulai dini-dini endur baka ba Spaoh, Tatau enggau ke bukai,” ku iya
Ke penerang bisi 628 lot bansal bejual udah dibuka enggau agih asil penatai pemisi suwa taba tejual manggai RM157,000. -TVS
