MIRI, 1 Dis: Perintah Sarawak nengah Petroleum Sarawak Berhad (PETROS) terus komited deka mekalka gis dikena nyumai nengah paip ari rumah ke rumah.
Premier Sarawak, Datuk Patinggi Tan Sri Abang Johari Tun Openg madahka, projek nya deka dipejalaika di selampur Sarawak sechara berenggat.
“Nyadi gis dikena nyumai tu terus datai ke dapur, dikena nyumai.
“Kedua, tu mih endur (Miri) keterubah ti deka dipejalaika di selampur Sarawak ngena paip tu nyengkaum di Kuching, Sebuyau, sereta Sri Aman,” ku iya.
Abang Johari mansutka jaku nya rambau aum media pengudah Pengawa Bejadika Loji Kuasa Turbin Gis Guna Baru Champur (CCGT) Miri, ditu, kemari.
Ku terang Abang Johari pengawa nya deka terus dipejalaika nyentuk ke selampur Sarawak nengah paip gis.
Tandu iya, pengawa masang paip gis nya ngena kos ke tinggi, sepenyampau RM3,500 ungkup sebuah rumah.-TVS
