MIRI, 30 Nov: Sebuah lori ngundan bata ensayar lalu tebelungging ba tisi jalai semak jalai kelinggi Telang Usan ditu pagi tadi.
Komander Operasyen, Robinson Anyie Danyin madah raban sida nerima kangau bekaul enggau penyadi kes nya urung pukul 11.30 pagi lalu ngerah tujuh iku kaban Balai Bomba enggau Penyah Penusah ngesah palan penusah nya.
“Penusah aksiden nya nyadi kediri ngaul sebuah lori ke ngundan bata ensayar ke tisi jalai. Deriba lori nya semina bakal mimit aja.
“Tudah udah dibai ambulans Opis Menteri Pengerai Malaysia (KKM) berubat ngagai palan perubat ke semak sebedau penatai bala bomba,” ku iya nengah sebengkah penerang sehari tu tadi.
Ku iya, raban bomba bisi mantu sereta meresi minyak ba endur penusah aksiden nya dikena nentuka pengelikun penguna jalai raya ke bukai.
“Sepengudah nentuka palan nya likun, raban bomba mupuk pulai baru ngagai balai,” ku iya. -TVS
