SIBU, 30 Nov: Dua iku nembiak lelaki peranak menua tu udah mandangka ulah ke enda mereti deriba motosital ba kandang mengeri Sibu malam tadi udah mujur ditan nengah Operasyen Penuh dipejalaika Indu Opis Polis Pelilih (IPD) Sibu.
Operasyen nya diatur berengkah pukul 5 lemai nyentuk pukul 3 dini hari tadi lalu nyelinting kandang endur ke angat baka Taman Permai, Jalai Bujang Suntong, enggau Jalai Ramli Amit.
Tuai Polis Pelilih Sibu, Acp Zulkipli Suhaili, madah kededua nembaik ke bumurn 18 taun laban ngelangar Seksyen 42(1) Akta Pengangkutan Jalan 1987, iya nya Deriba Berumban sereta ulih ngujungka penusah nyadi.
“Operasyen Penuh nya betuju mutarka keruga pengelikun ngagai penguna jalai raya ketegal ulah enda mereti ba jalai rayat, ke ngujungka pemujur nangkap dua iku nembiak nya,”ku iya.
Bisi 26 saman udah dikeluarka ungkup bemacham penyalah, nyengkaum nadai lisin deriba, ngubah pendiau motosikal, ngena ekzoz ingar, lumur plet orang kaya. Lima buah motosiak bela dirampas ungkup tuju diperesa dokumen.
Iya mega ngelalau bala apai indai patut meretika pejalai tauka pengawa dikereja bala anak sida ngambika enda teparuk ngereja ulah ke enda menuku.
Zulkipli mega nyemetak madahka ulah nyadi bayat ba jalai raya ukai semina ngeruga pengelantang mensia mayuh tang mega ulih ngujungka penusah bebadi nyawa.
Nya alai, ku iya raban polis seruran meri kerejasama nengah chara ngenataika ripot bekaul enggau ulah nyadi bayat jalai alun ke bisi dikereja ba semak rumah sida.-TVS
