KOTA SAMARAHAN, 29 Nov: Siku anak mit indu beumur dua taun tepekul dalam kerita ke tekunchi kediri ba sebuah Stesyen Bas Desa Ilmu, Jalai Datuk Muhammad Musa ditu, pagi tadi.
Komander Operasyen, Yusmandie Barudie madah, raban sida nerima kangau bekaul enggau kes nya pukul 7.31 pagi lalu terus nganjung lima iku staf Balai Bomba enggau Penyah Penusah (BBP) Kota Samarahan ngagai palan penusah nyadi.
“Raban bomba bejalaika operasi ngena kereban khas dikena muka pintu kerita nya nyentuk ke mujur dibuka.
“Anak mit indu ke tepekul dalam kerita nya likun sereta udah diserah ngagai indai iya,” ku penerang nya sehari tu tadi.
Ku iya, raban bomba ngambi awak pengelama semilan minit endur muka pintu kerita ke tekunchi nya.– TVS
