SIMANGGANG, 24 Nov: Semua 70 projek pemansang ba Baruh Ejensi Pemansang Sri Aman (SADA) dijangka deka berengkah dipejalaika taun baru.
Chairperson SADA, Dato Sri Rohani Abdul Karim madahka, pekara nya beduduk ari raban mesti meri perati berat sereta begunaka timpuh nengkira diri enggau ngatur pampas tanah ungkup taba projek.
“Mayuh timpuh dianti dikena kitai ngatur kerejasama ungkup pekara bekaul tanah enggau ke bukai lalu ngarap bisi sekeda projek udah baka lampu trafik, Sarawak Skills Centre enggau minggu baru kitai bisi projek nasih tanah ba Batu Lintang.
“Arapka taun baru deka mayuh agi projek kitai enggau kami komited deka bejalaika nya laban atur bekaul enggau pampas tanah sereta ke bukai udah diatur,” ku iya.
Iya ke mega Penyanding Penemu Khas ba Opis Premier Sarawak madah munyi nya rambau ngulu Pengerami Bejadika Karnival Nembiak Tikas DUN Lingga di Kompleks Lumba Sri Aman, kemari.
Ku iya, ari penyampau nya, semak 90 peratus iya nya projek bekaul enggau pemansang infrastruktur.
Tandu iya, perintah Sarawak udah ngemendarka penyampau RM1.38 bilion dikena bejalaika semua 70 projek nya nengah SADA.-TVS
