SAMARAHAN, 20 Nov: Sekeda jalai ba jalai keliling Rembus ditu deka ditutup pengelama tiga bulan berengkah ari kemari nyentuk ke 21 Januari 2025.
Nitihka penerang ti dipansutka Sarawak Metro nengah laman facebook sehari tu, pekara tu dikena bejalaika pengawa nukar entali ai enggau projek ngaga jalai Transit Aliran Autonomi (ART).//
“Nya alai, penguna jalai dipinta bejejaga lebuh nengah jalai nya,” ku penerang nya.
Ungkup pengelikun semua, Sarawak Metro ngelalau penguna jalai nya ngambika merambu pejalai sida enggau manah sereta nitihka atur trafik.
“Kami minta ampun enggau sebarang penanggul,” tandu iya seraya beterima kasih ngagai penguna ke udah sabar nganti raban ke bekaul chakah ngemansangka infrastruktur pengangkut mensia mayuh di Kuching enggau Kota Samarahan. – TVS
