PUTRAJAYA, 16 Nov: Perintah mengkang enggau penemu deka bejalaika atur mesti bisi ngembuan lisin ungkup servis media rama enggau pesan nengah internet berengkah 1 Januari 2025.
Menteri Komunikasi Fahmi Fadzil madah, atur nguna lisin ungkup pantar media rama nya chukup beguna dikena mutarka bemacham penanggul ari interent baka isu beduan dalam siber.
“Dalam isu beduan siber, kita meda endang bisi maa tu mayuh ari ulah beduan siber dugaga ba sekeda pantar (media rama) lebih agi Facebook, TikTok enggau mega Instagram.
“Tu mih antara kebuah kitai ngasaika 1 Januari 2025 patut nguna sistem, tauka mesti ngena lisin ungkup pelasar-pelasar media rama tu enda ulih diubah,”ku iya nengah sebengkah aum media ke diatur ditu, kemari.
Kena 27 Julai tu tadi, Komisioner Komunikasyen enggau Multimedia (MCMC) madahka semua servis media rama enggau pesan internet ke ngembuan abis nadai lapan juta penguna berejister di
Malaysia patut minta Lisin Kelas Nguna Servis Aplikasi di baruh Akta Komunikasi dan Multimedia 1998 (Akta 588) berengkah 1 Januari 2025.
Pemuntan bulih lisin sepengudah haribulan nya deka nyadi siti penyalah enggau ulih kena tinggang ukum undang-undang bepelasarka Akta 588.-TVS
