KUCHING, 4 Nov: Sarawak diatu mekuh ngagai inisiatif ke bekaul enggau aerosol dikena mutarka isu rampa menua enggau pengerai lebih agi bekaul enggau sebun asap meraka adan menua.
Premier Sarawak, Datuk Patinggi Tan Sri Abang Johari Tun Openg madahka ba pekara tu Sarawak ngambi inisiatif ti pemadu beguna dalam nambahka pengawa matau kualiti angin nyengkaum meranakka puku dalam teknologi pemadu baru dikena beratika kualiti angin.
Ku iya madah aerosol ti diasilka ari pengawa nunu biojisim lebih agi zarah halus jisim (PM2.5) ulih ngerekai jauh meraka adan menua seraya ngeruga kualiti angin ba wilayah ke bedampih.
“Pangka ari sebun asap ukai semina ngirauka ati di Sarawak tang tu siti pemar serantau enggau global. Aerosol ti diasilka ari pengawa nunu biojisim, lebih agi zarah halus jisim (PM2.5), ulih ngerekai jauh meraka adan menua sereta ngamahka kulaiti angin meraka adan.
“Meretika senentang sumber, pengangkut enggau transformasyen aerosol dalam konteks tu chukup beguna dikena ngemansangka strategi mitigasyen ti bisi empas,” ku iya.
Iya madah munyi nya dalam teks jaku ti dibacha Sapit Premier Sarawak Datuk Amar Dr Sim Kui Hian ba Aum Aerosol Asia (AAC) ti ke-13 ba Palan Konvensyen Borneo Kuching (BCCK), ditu pagi tadi.
Berebak enggau nya ku abang johari madah pengawa ngatur biojisim meruan nengah pengawa ngubah bekau betanam betupi ngagai biokuasa mega nyadi fokus wilayah dikena ngurangka pengawa ngelepaska aerosol
“Sarawak sechara aktif bekerejasama enggau institut pemansik antarabansa dikena ngemansangka strategi klimet ti ngambi kira interaksyen entara aerosol enggau klimet, ti beguna dikena beratika chura ujan, gaya hari ekstrem enggau pengerai kampung.-TVS
