KUCHING, 28 Okt: Premier Sarawak, Datuk Patinggi Tan Sri Abang Johari Tun Openg ngenukuka pengawa bejadika Lumba SEA 2027 ila deka diatur di Kuching.
Ku iya, pekara nya udah bulih pemendar ari Menteri Besai, Datuk Seri Anwar Ibrahim.
“Lebuh Menteri Besai nanya aku ba di Kuala Lumpur, ba Putrajaya Abang Jo ulih sama-sama ngatur Lumba SEA?
“Aku pan nanya berapa kos bisi disebut iya kos aku ngitung aku madah au mih, aku nyaup nyaup 50 peratus Sarawak deka mantu 50 peratus ari kos nya tang enti ulih pengawa bejadika tu awak di Sarawak nyadi iya setuju,” ku iya.
Abang Johari mansutka jaku nya ba Pengerami Makai Lemai Apresiasyen SUKMA Ke-21 2024 ba Palan Konvensyen Borneo Kuching (BCCK), ditu kemari.
Nangkan ke nya ku Abang Johari madah, atur setuju nyadi tuai rumah pekit lumba nya siti ari pemutus pengawa dikena beranakka puku.
“Ba aku sekali dikena meranakka puku laban maya nya kita nemu ba Lumba SEA tu mayuh menua ngambi bagi ngarapka maya iya kitai udah ngembuan serikat penerebai kitai empu,” ku iya.-TVS
