DEBAK, 25 Okt: Pengawa nyiri tuai komiti apai, indu enggau nembiak Parti Pesaka Bumiputera Bersatu (PBB) Pampang Saribas bedau lama ke udah ngayanka 20 peratus diarika orang baru.
Nya alai Tuai Pampang PBB Saribas, Datuk Mohamad Razi Sitam ngarapka mandat ke diberi nya ulih terus dipejalaika enggau manah.
“Pengawa nyiri dipejalaika enggau lanchar sereta disiplin ke tinggi dalam raban parti penyampau 24 iku kaban komiti, Apai, Indu enggau Nembiak udah tembu (dipilih) lalu baka ke dipadahka
tadi dalam 20 peratus iya nya orang baru 80 peratus agi orang lama sedia meri servis sereta bulih sukung ari kaban parti,” ku iya.
Razi ke mega ADUN Saribas madah munyi nya maya meri timbal bekaul enggau pemutus pengawa milih tuai komiti Apai, Indu enggau Nembiak parti PBB Pampang Saribas empai lama ke udah maya ngabas taba Projek Ngaga Wisma Pengelantang Komuniti (WKK) ba Palan Servis ADUN Saribas sehari tu tadi.
Ku tandu iya madah PBB Pampang Saribas mega deka ngaga pengawa bepilih sechara berenggat pampang ungkup komiti apai, indu enggau nembiak ba pun bulan Disember tu ila.-TVS
