BINTANGOR,20 Okt: Tiga iku bakal sepengudah kerita ke ditepan sida aksiden ngelantak sebuah lori tangki minyak sawit di Jalai Rumah Panjai Janting, Jalai KJD ditu, kemari.
Komander Operasyen, Peter Jinang madah, raban iya nerima kangau urung pukul 2.58 lemai lalu berumban nganjung lima iku kaban Balai Bomba enggau Penyah Penusah (BBP) Bintangor ngagai palan penusah nyadi.
“Lebuh datai ba palan penusah nyadi, insiden nya mungkur sebuah kerita Proton Iriz enggau sebuah lori tangki minyak sawit ti paking ba tisi jalai.
“Semua sida ke bakal ngaul siku lelaki beumur 25 taun, siku indu beumur 33 taun enggau siku nembiak indu beumur enam taun udah dipansutka mensia mayuh sebedau raban bomba datai ba palan penusah ke nyadi,” ku iya nengah sebengkah penerang sehari tu tadi.
Ku terang Peter, semua mansa udah diperubat ari Pegawai Perubat Opis Menteri Pengerai Malaysia (KKM) sebedau dibai ngagai Klinik Pengerai Bintangor.-TVS
