LUNDU, 20 Okt: Siku lelaki bakal ba penusah aksiden ke ngaul dua buah entukar di Kampung Serayan Jalai Sematan – Lundu ditu, malam tadi.
Komander Operasyen, Pathi Samsudin madah, raban sida nerima ripot bekaul enggau kes nya urung pukul 10.08 malam lalu berumban ngesah nengah nganjung enam iku kaban Balai Bomba enggau Penyah Penusah (BBP) Lundu ngagai palan penusah nyadi.
“Penusah aksiden nya ngaul dua buah entukar iya nya Toyota Fortuner enggau Perodua Kancil.
“Siku tudah ke bebadi iya nya lelaki beumur 59 taun tepekul dalam sebuah kerita Perodua Kancil,” ku iya nengah penerang sehari tu tadi.
Ku terang iya, raban bomba benung bejalaika operasyen ngeluarka mansa ngena perengka khas.
“Mansa bakal ba begian pala lalu diperubat raban bomba EMRS sebedau ke dianjung ngagai Sepital Lundu,” ku iya – TVS.
