MIRI, 14 Okt: Penguna jalai alun patut ngembuan penyedar bekaul enggau ngemeranka ulah bejejimat ba jalai alun dikena nyeliahka penusah ke enda disadang nyadi.
Sapit Menteri Perengka Pengangkut Malaysia, Datuk Hasbi Habibollah madah, penguna jalai alun patut nitihka undang-undang ke udah ditetapka dikena nentuka pengelikun diri.
“Aku deka nangkan semua penguna jalai alun patut bisi penyedar sereta ngemeranka ulah bejimat deriba,” ku iya.
Iya madah munyi nya lebuh bejaku ba Pengerami Nutup Rasmi Program Bantu MyLesen (B2) Renggat Parlimen Miri, empai lama ke udah.
Bisi 914 iku pesereta dipasuk ba program serak tu.
Berebak enggau nya, Hasbi mega meri pengaga ati ngagai Opis Perengka Pengangkut Jalai (JPJ) Sarawak, Palan Servis P.219 Miri, Institut Memandu EG Sdn Bhd sereta ejensi perintah ti udah ngemujurka program nya.-TVS
