Search
Close this search box.
Search
Close this search box.
Judika benung merindang mensia mayuh ke ngulu Borneo Sonic Music Festival (BSMF) diatur ba Stadium Sarawak malam tadi. -Foto Faitullah Morni (TVS)

BSMF 2024: Judika chukup gagit meda sukung ari mensia mayuh

KUCHING, 13 Okt: Penanyi tebilang menua Indonesia, Judika madah diri agi deka datai merindang taun baru ba panggau  Borneo Sonic Music Festival (BSMF).

Ku iya, pekara nya beduduk ari sukung ke chukup manah ari mensia mayuh ke bela sampal nedat Stadium Sarawak ba hari kedua festival muzik nya.

Judika madahka, pengerichah enggau pengangit mensia mayuh ke datai kia meda iya belagu nyadi peransang ngagai iya arapka diri agi dikangau merindang ba BSMF taun baru.

Malam tadi, Judika nyadaka sekeda lagu tebilang baka ‘Bukan Rayuan Gombal, Sampai Kau Jadi Milikku, Tak Mungkin Bersama, Mapala, sereta mayuh agi ke bukai.

Kelimpah ari nya, Judika mega bisi nyadaka lagu tebilang ari iya empu ke diberi nama, ‘Baik-baik saja, ke nerima panjung ari bala perindu ke datai meda konsert nya.

BSMF serak tu dirichahka enggau pemerindang ari artis lokal iya nya Thomas Kok ti  merindang enggau lagu ‘Silence’ ari Jay Chou.

Kelimpah ari Thomas,  artis lokal  ke bukai bisi sama merindang ti ngaul Namewee enggau Priscilla Abby.

Panggau BSMF mega dirichahka enggau artis antarabansa ke bukai baka 4eve ari Thailand, Junny, Yeon Seobin enggau DJ Ujoo (Korea Selatan) kelimpah artis tebilang ari Indonesia, Bunga Citra Lestari.-TVS

TVS provides up-to-date news, captivating dramas, and diverse programmes on channel 122 MYTV, Unifi TV and Astro. Stream TVS live now on the MYTV Mana-Mana, Unifi TV and ASTRO GO apps.

Follow us on social media:
Facebook: @tvsarawak , @tvs122

Instagram: @tvsarawak, @TVS_Entertainment

Telegram: @tvsarawak

TikTok: @tvsarawak, @tvs_entertainment

X: @tvsarawak

YouTube: @tvsarawak, @TVSEntertainment

WhatsApp: TVS

 

Berita Berkaitan