SIBU, 7 Okt: Pengawa Bepilih Nengeri (PRN) Sarawak ke-13 deka nyadi pantar ngagai raban nembiak Parti Pesaka Bumiputera Besatu (PBB) negapka pengandal rayat ngagai Gabungan Parti Sarawak (GPS).
Bepegai ba jaku ‘Bersatu, Berkorban’, Tuai Pro-Tem Raban Nembiak PBB Pampang Dalat, Muhammad Nur Syafiq Wong Muhammad Nur Amirul Iskandar Wong ngarap pengeransing nya ulih ditanka enggau sukung rat ari raban Supreme Kaunsil PBB.
“Aku nesau semua raban nembiak, aram kitai sama bela nesau, bebendar enggau penetap baru sereta beserakup dalam pengawa ti dipejalaika kitai.
“Aku mega endang andal sereta pechaya senentang enggau begempung sereta penyerakup ti rat ba baruh jaku keramat ‘Bersatu, Berkorban’ dalam parti PBB kitai tu, kitai deka terus bulih pengandal rayat meraka umur ba selampur Sarawak tu, tebal agi dalam Pengawa Bepilih Besai (PRU) Kunsil Nengeri (DUN) Sarawak ke-13, ” ku iya.
Tandu iya, tangkup pengawa Tuai Premier Sarawak Datuk Patinggi Tan Sri Abang Johari Tun Openg ti megai perintah Sarawak diatu endang dipebasa ba menua tu.
Pekara tu seninjik ari Premier Sarawak ti udah nerima anugerah pingat tertinggi Perintah Nengeri Sabah iya nya Pingat Seri Panglima Darjah Kinabalu (SPDK) ti mai gelar ‘Datuk Seri Panglima”.
“Udah tentu tu iya nya siti pengaku ti chukup besai ari Perintah Nengeri Sabah ngagai komitmen Abang Johari ti chakah negika hak enggau pengudi dudi hari ke lebih menyana ungkup Malaysia, tebal agi ungkup Sabah enggau Sarawak,” ku iya.-TVS
