KOTA KINABALU, 5 Okt: Premier Sarawak, Datuk Patinggi Tan Sri Abang Johari Tun Openg nguluka urung 1,373 penerima pangkat besai, bintang enggau pangkat basa nyerumba Hari Pengada Rasmi ke-71 Yang di-Pebasa Tuai Pemegai Menua (TYT) Sabah, Tun Juhar Mahiruddin di Istana Seri Kinabalu ditu, sehari tu tadi.
Abang Johari iya nya antara empat penerima pangkat besai pemadu tinggi nengeri Sabah, Seri Panglima Darjah Kinabalu (SPDK) ti mai gelar Datuk Seri Panglima.
Bela nerima SPDK iya nya Menteri Dagang, Main Budaya enggau Rampa Menua Sabah, Datuk Christina Liew; Kepala Polis Menua, Tan Sri Razarudin Husain enggau orang dagang, Datuk Kumar Prabakaran.
Sama bisi datai bini Abang Johari, Puan Sri Datuk Amar Juma’ani Tun Tuanku Bujang.
Bela nyempulang pejalai Premier Sarawak iya nya Sapit Menteri Utiliti enggau Telekomunikasyen Sarawak (Utiliti) Datuk Dr. Abdul Rahman Junaidi. – TVS
