MATU, 4 Okt : Enam diri sebilik lenyau palan pengenduh sepengudah rumah alai sida diau angus lengis ba penusah ke nyadi ba Kampung Tian, pagi tadi.
Semua sida ke tasah tu beumur 19 nyentuk 73 taun taja pia diripotka selamat ba penusah ke nyadi pukul 9.20 pagi nya.
Ku siku pengari Palan Operasyen Operasi Bomba madah, Balai Bomba enggau Penyah Penusah Daro nerima kangau tasah pukul 9.30 pagi sebedau ke ngerah seraban tim ngesah penusah nya.
“Seninjik datai semua pengani udah pansut ari rumah ngidupka diri.
“Taja pia sida enda sempat nabanka reta tengkira laban api chukup jampat nyerarai.
“Penusah nya ngujungka rumah nya angus lengis,” ku iya nengah sebengkah penerang sehari tu tadi.
Bekau ari nya, raban bomba ke datai ngesah sempat ngerara api nguna ai ari endur nya empu.
“Kitai mujur madamka api pukul 10.19 pagi lalu pengawa nya mega udah mujur nyeliahka api ari terus nyerarai ngagai rumah bukai.
“Pengawa raban bomba tembu penuh pukul 1.07 ngalihari tadi,” ku iya.
Penyampau pengerugi enggau kebuah penusah nyadi agi dipansik. – TVS
