BETONG, 4 Okt : Balai Bomba enggau Penyah Penusah (BBP) Lutong diatu udah nyikap diri napi ubah klimet bekau ari penyadi monsun.
Tuai Balai Bomba enggau Penyah Penusah (BBP) Lutong, PBT II Henry Jugah madah, diatu raban sida udah ngatur sekeda latih nyengkaum ba sungai tauka di darat.
“Raban Bomba Lutong endang seruran sedia napi sebarang penyadi nyengkaum ketegal monsun.
“Tu nyengkaum, ngatur sekeda latih ungkup tuju nya,” ku iya pengudah sebengkah Pengerami Apresiasyen SPM 2023 enggau Hari Anugerah Kecemerlangan Akademik MRSM Betong diatur ditu, pagi tadi.
Ku iya, kerejasama mensia mayuh chukup beguna dalam meri penerang ke bekaul.
“Nya alai, aku nesau mensia mayuh lebih agi dibaruh pegai BBP Lutong mesti seruran nemu sebarang ubah klimet.
“Udah nya, padah lengkas ngagai raban bomba pasal penyadi ba endur diri ngambika kami ulih ngesah,” ku iya.
Ke penerang, BBP Lutong taun nyin kemari ngerikodka empat kes bekau ari pangka monsun.-TVS.
