TATAU, 29 Sept: Mensia mayuh dilalau seruran bejima maya bejalaika aktiviti di sungai bekau ari insiden ke nyadi kena 18 September, ke ngujungka siku anak mit indu beumur 6 taun ditagup baya maya benung mandi begulai enggau aki iya ba Kampung Seberang Pasar Lama, Tatau.
Pegawai Pelilih Tatau, Jabang Juntan nangkan mensia mayuh seruran ngadang lalu mesti ngemeratka pengelikun diri maya bejalaika aktiviti di sungai baka mandi tauka berikan.
“Udah nya, aku deka meri lalau mimit ngagai mensia mayuh ngambika lebih bejimat maya bejalaika aktiviti-aktiviti ba sungai mandi nangkap ikan enggau ke bukai,” ku iya maya dirandau media rambau ngulu pengawa nangkap baya di Sungai Tatau, empai lama.
Ke penerang operasyen nangkap baya ba Sungai Tatau udah berengkah kenyau 26 September lalu deka diteruska nyentuk 7 Oktober.
Operasyen nya dipejalaika Komiti Pengawa Khas mungkur raban ari Sarawak Forestry Coporation (SFC), Polis Diraja Malaysia (PDRM) Tatau begulai enggau Opis Pelilih Tatau.-TVS
