SARATOK, 26 Sept: Aktiviti Bejalai Bebala Mayuh nyerumba Hari Pengada Petara Guang Ze Zun Wang diperambu nyadi sebagi ari program ninting taun di pelilih Saratok jemah.
Kaban Kunsil Nengeri (ADUN) Krian, Friday Belik madahka tu bepelasarka mayuh penyereta seraya ti mantu dalam pemansang industri dagang temuai enggau sosioekonomi lokal di nengeri tu.
“Tu ukai semina siti pelasar dikena kitai ngempung komuniti kitai ti ngembuan mayuh bengkah raban bansa di Saratok lebih agi enggau Sarawak.
“Program tu mega tu mega ulih nyadi program ninting taun enggau dikena mantu nyungkak ekonomi komuniti lokal,” ku iya nyereta ngulu pengawa bejalaika ke diatur ditu empai lama.
Friday mega madah diri deka berandau Raban Pengatur Tua Pek Kong Saratok dikena nentuka achara nya jemah bisi digembar enggau achara bukai.
Bisi 56 tim ari selampur Sarawak bisi ngambi bagi ba pengerami serak tu enggau dikemataka urung 3,000 temuai ba sepemanjai jalai enggau penyauh 10 kilometer.-TVS
