LAWAS, 22 Sept: Perintah Sarawak merambu deka ngaga siti Palan Latih Khas ungkup Orang Nyelai Pendiau (OKU) ke lebih berurun di Lawas.
Sapit Premier Sarawak, Datuk Amar Awang Tengah Ali Hasan madahka, naka diatu lawas semina bisi Palan Mulaika Pemanah Dalam Komuniti (PDK) enggau Palan Sereba tauka One Stop Centre ti ditumbuhka nengah kerejasama begulai enggau ejensi peribit baka PETRONAS.
“Kitai di Lawas bisi PDK, udah tu deka merambu deka ngaga siti palan ke lebih berurun ngambika sebaka ba endur bukai. Naka diatu kami meri tumpu ba PDK seraya merambu baka ni deka ngaga palan ke manah.
“Tu mih entara pekara ke diberi perati kami laban anak ngaul sida Orang Nyelai Pendiau (OKU) ke bisi bakat enda dikelaung laban enti nyema sida tu diibun manah ulih ngemansangka diri, ruang bilik sereta menua,” ku iya lebuh mansutka jaku nya rambau bejadika Program Indu Dinamik ditu, kemari.
Nangkan ke nya, nerang senentang program indu dinamik, awang tengah ke mega Kaban Kunsil Nengeri (ADUN) Bukit Sari muji pengawa KPWKM siti langkah rapat ke manah dikena negapka raban indu.
Ku Iya madah, mayuh bantu tauka program ke diberi serikat tauka siku-siku orang berejista , tang nengah Program Indu Dinamik nya, ulih mekuhka pengelantang ruang bilik enggau siku-siku orang ke enda ibuh berejista.
Tandu iya, pedagang mit mega ngesan tangkup pengawa sida dalam mantu nyungkak ekonomi nengeri enggau menua tu.-TVS
