GEDONG, 22 Sept: Mayuh projek rayat udah dikemendarka Premier Sarawak, Datuk Patinggi Tan Sri Abang Johari Tun Openg sekumbang nyadi pengari rayat di sitak nya,
Pengari Khas Premier Sarawak Di Gedong Dato Sri Mohd Naroden Majais madah, ke tanda iya diatu pengawa ngemanahka tikas Dewan Datuk Patinggi Ali benung dipejalaika sereta dikearapka ulih dikena ngatur program besai jemah.
“Premier Sarawak mega udah ngemendarka pengawa ngemanahka tikas diwan baru ba Ulu Gedong di Gayau.
“Iya mega udah ngemendarka projek ngemanahka padang bol ngena rumput artifisyel baka di Barcelona. Terima Kasih YAB Premier, “ ku iya.
Naroden ke mega kedu ADUN Gedong nerangka, Abang Johari udah ngemendarka projek ngaga makit basah enggau rangkai baru di Gedong.
“Laban ba endur dia ila bisi genturung pendiau baru digaga berindik ari penambah penyampau pengani ke diau ba endur nya.
“Makit basah enggau rangkai nya ba tengah, semak padang petanque enggau ke bukai, ku tandu iya.
Tandu iya, menua Keranggas enggau Lubok Punggor deka dikemansangka nyadi palan penarak penemu sereta nyadi hab pengeluar padi enggau beras ungkup wilayah tu sereta menua bepelasarka pengawa bumai moden.-TVS
