KUCHING, 21 Sept: Kuching deka nyadi tuai endur ngintu Pengerami Hari Pengada Ke-78 Tuai Pemegai Menua (TYT) Yang Dipebasa Nengeri Sarawak taun tu.
Menteri bekuasa ungkup pengerami nya, Dato Sri Abdul Karim Rahman Hamzah madah, bisi tujuh achara besai deka diatur nyerumba pengerami nya ila ke berengkah 10 nyentuk 13 Oktober tu ila .
“Antara achara ke ke udah dikelala keterubah iya nya Pengawa Gempuru Sampi ke diatur kena 10 Oktober ba Masjid Jamek pukul 6 lemai.
“Achara ke-4, Pengawa Beradat Bebaris, tu iya nya achara pengujung Pengawa Beradat Bebaris enggau Baris Besai pukul 8 pagi ba Padang Merdeka.
“Pengawa meri tanda pangkat deka diatur pengudah pengawa baris ba Astana Nengeri Sarawak pukul
“Mua ke malam 12 Oktober, deka diatur achara ke-6 iya nya Pengerami Serumpu Nengeri pukul 8 malam ba Dewan Santapan DUN Nengeri Sarawak,” ku iya.
Iya mansutka pekara nya nengah aum pemberita pengudah betuaika Aum Komiti Besai Pengerami nya, kemari.
Karim ke mega Menteri Dagang Temuai, Industri Kreatif enggau Seni Pemerindang Sarawak madah, Pengerami Ngirup Teh iya nya achara ketujuh enggau ke penudi nyerumba pengerami nya deka diatur ba Sarawak Chamber, Riverside Majestic Kuching kena 13 Oktober.
Abdul Karim mega madah Premier Sarawak Datuk Patinggi Tan Sri Abang Johari Tun Openg enggau bini iya Puan Sri Datuk Amar Juma’ani Tuanku Bujang dipelaba deka datai nyadi temuai dipebasa ungkup semua achara nya.
Ku terang iya mega, pengerami nya deka mandangka bemacham pemerindang nyengkaum Pemerindang Bejadi, Pemerindang Main Asal enggau diperindang artis tebilang Malaysia.
Iya mega madah Pengerami Hari Pengada Ke-78 TYT Yang Di-Pebasa Nengeri Sarawak Taun 2024 deka dipancharka terus ba TVS Channel 122 Astro enggau MyTV sereta di Facebook Unit Komunikasi Awam Sarawak (UKAS) sereta youtube, UKAS Channel.-TVS
