SIBU, 26 Ogos: Siku lelaki bakal pengudah kerita ke ditepan iya ngelantak sengkar jalai di Batu 6, Jalai Tunku Abdul Rahman ditu, malam tadi.
Komander Operasyen, PBK II Terrance Jimbun madahka, Balai Bomba enggau Penyah Penusah (BBP) Sungai Merah bisi nerima ripot bekaul enggau kes nya urung pukul 11.11 malam Hari Minggu lalu nganjung 14 iku raban bomba ngesah palan penusah nyadi.
“Eksiden nya ngaul sebuah entukar Perodua Axia ke ngelantak sengkar jalai lalu bisi siku lelaki dipeda dalam entukar nya.
“Tudah ke beumur 49 taun nya bakal ba pala enggau patah jari kanan,” ku iya ba siti penerang sehari tu tadi.
Tandu iya, raban bomba lengkas mutung terminal bateri lalu mantu masang ‘cervical collar’ ba mansa lalu ngena ‘stretcher’ dikena mansutka tudah ti enda tepekul.
“Pengudah mujur dipansutka, tudah lelaki nya diserah ngagai raban ambulans ungkup perkara bekaul,” ku iya.-TVS
