SARATOK, 17 Ogos: Semua 10 buah projek jalai ladang dipejalaika Opis Betanam Betupi ke beungkus RM6.5 juta ba baruh Ejensi Pemansang Bagi Menua Betong (BDDA) di sitak Kunsil Nengeri (DUN) Krian udah tembu penuh.
Kaban Kunsil Nengeri (ADUN) Krian, Friday Belik madahka, fasa kedua projek ke sama ti diletakka ba baruh Opis Kereja Raya (JKRr) Saratok enggau kos penyampau RM10 juta deka dipejalaika enda lama agi.
“Bisi 10 buah projek lalu semua udah tembu naka tu ungkup fasa satu lalu ungkup fasa dua dibaruh BDDA kitai udah ngagihka sepenyampau RM10 juta.
“Nyadi diatu dalam proses endur Opis Kereja raya (JKR) Saratok nyendiaka taba enggau mega dalam proses survei dikena nentuka endur enggau mega raban penerima projek,” ku iya.
Friday mansutka jaku nya rambau dirandau media pengudah Pengawa Bejadika Taman Botani Mini Rumah Panjai Slyvia Gupie Mersat Di Meruji Kabo, kemari.
ku iya, rintai 18 penerima bagi projek fasa kedua mega benung dikelala enggau dialuska ungkup ke diatu.-TVS
