LUBOK ANTU, 14 Ogos: Sapit Direktor Narkotik (PPKA) JSJN Bukit Aman, SAC Mat Zani @ Mohd Salahuddin Che Ali kemari bisi ngatur penemuai seraya kereja ke Indu Opis Polis Pelilih Lubok Antu.
Penatai iya dikelaluka Tuai Polis Pelilih Lubok Antu, DSP Victor Ripon sebedau ngulu licha ke diatur ba Bilik Aum IPS Lubok Antu.
Ku iya, tuju penemuai raban deligit ari Bukit Aman nya laban deka beratika peminta guna enggau pekara ti patut dikemanah ungkup unit narkotik nyengkaum muka pangku pengawa baru pansik narkotik ti deka ditumbuhka.
“Bisi 13 pelilih deka ditumbuhka pangku puang baru nyengkaum IPD Lubok Antu mega endang begunaka pangku pengawa nya berindik ari pelilih Lubpk Antu ti semak enggau garis entara menua Indonesia,”ku iya.
Iya mansutka penemu nya rambau penemuai seraya kereja ke Indu Opis Polis Pelilih (IPD) Lubok Antu kena Hari Satu.
Tandu iya, pemisi pangku pengawa baru nya beguna berindik ari pangku pengawa ungkup ke diatu semina dikumbai ‘sandaran masuk’.
Sama bisi datai Ketua Opis Tasat Jenayah Narkotik Sarawak, ACP Mustapha Kamal Gani Abdullah.-TVS
