JAKARTA, 25 Julai: Presiden Indonesia Joko Widodo dipelaba berengkah bejalaika tanggungpengawa rasmi iya ba indu menua baru Indonesia, Nusantara ti bepalan ba Pulau Kalimantan, kena 28 Julai tu.
Tuai Sekretariat Presiden Heru Budi Hartono mansutka pekara nya, kemari.
Heru madahka Jokowi ditaga deka bejadika sebuah jalai besai kena 28 Julai lalu raban iya benung dalam proses nyikap diri ngambika Presiden ulih berengkah gawa ba Nusantara.
Menteri Kereja Raya enggau Pengawa Berumah sereta Pemangku Tuai Raban Bekuasa Indu Menua Nusantara, Basuki Hadimuljono madahka bekal ai irup deka tembu diguna dalam beberapa hari agi ba indu menua baru nya.
Kelimpah ari nya raban bekuasa benung nyikap diri ungkup Pengerami Ngintu Hari Merdeka Indonesia ke deka diatur sama ba Nusantara enggau Jakarta kena bulan Ogos tu.-TVS
